JB Academy 攝影學堂🔸從「零」開始學攝影

如欲報名，請前往 JB Academy 攝影學堂。

攝影點解咁難？因為佢需要你用腦。仲要，係全個腦。

攝影牽涉兩大「作」：「操作」同「創作」。

「操作」，需要運用左腦嘅理性：計算曝光、選擇拍攝模式、認識鏡頭光學特性…簡單嚟講，就係舞掂部相機。

「創作」，卻需要發動右腦嘅感性：運用你對「美感」嘅體會，去影出一張「靚」相。

呢兩方面，都會難到不同嘅人。所以點解好多初學者會覺得攝影好難，就係因為，有啲朋友會比部相機考起，有啲就係唔知應該點影先靚。

所以！今次我聯同 JB 攝影學堂 舉辦嘅「從零開始學攝影」入門班，就正正係針對「創作」同「操作」呢兩大範疇，為迷惘嘅你提供指引，幫助你掌握呢兩方面嘅基礎概念，讓你可以早日享受攝影嘅樂趣！

如果，你而家比一堆攝影術語搞到頭昏腦脹，唔識點用部機；或者，你覺得自己淨係識撳快門，但根本唔知影緊咩；又或者，你同時比呢兩樣嘢考起！歡迎你參加呢次入門班，一齊跨過呢啲困難！

到時見！

日期：2025年1月18日（星期六）下午3時 – 6時
對象：初學者
名額： 30人
地點：旺角區
費用：$450
如報讀更多課程，可享額外折扣。詳情請參閱 JB Academy 攝影學堂。